Удирдлагын мэндчилгээ
Манай цахим хуудсаар зочилж буй Танд сайн сайхан бүхнийг хүсэн мэндчилье!
Дорнод аймгийн Нийгмийн даатгалын хэлтэс нь аймгийн хэмжээнд иргэд, даатгуулагч, ажил олгогч байгууллагуудад хууль тогтоомжийн хүрээнд нийгмийн даатгалын үйлчилгээг хүргэн ажилладаг.
Та бүгдэд чирэгдэлгүй, шуурхай үйлчилгээ үзүүлэх үүднээс салбарын хэмжээнд “Нийгмийн даатгал” аппликейшн, “Даатгуулагчийн веб” программ нэвтрүүлэх зэрэг олон ажил хийгдэж байгаа билээ. Түүний нэг нь Хөдөлмөр, нийгмийн хамгааллын яам, “Төсөв санхүүгийн тогтвортой байдлыг бэхжүүлэх төсөл”-өөс хэрэгжүүлж буй “Нийгмийн халамж, хөдөлмөр, нийгмийн даатгалын газар, хэлтсүүдэд вэбэд суурилсан дотоод хяналт, хэрэглэгчийн сэтгэл ханамжийн судалгааны систем”-ийг нэвтрүүлснээс гадна хэлтсийн цахим хуудсыг шинэчлээд байна.
Манай цахим хуудаснаас Та нийгмийн даатгалын үйлчилгээний тухай болон цаг үеийн мэдээ, мэдээллийг түргэн шуурхай авахаас гадна үйлчилгээний талаар санал хүсэлтээ илэрхийлэх, үнэлгээ өгөх боломжтой болж байна. Улмаар нийгмийн даатгалын ач холбогдлыг ойлгуулах, нийгмийн даатгалын сангаас үзүүлэх үйлчилгээг улам ойртуулахад бид үргэлж анхаарч ажиллах бөгөөд үүнд иргэд, даатгуулагч, ажил олгогч байгууллагууд, Таны санал зайлшгүй чухал юм.
Иргэн бүр нь даатгуулсан, эрсдэлгүй ирээдүйг бий болгохын төлөө хамтдаа урагшилцгаая.
ХЭЛТСИЙН ДАРГА Ц.БАТБАЯР