Удирдлагын мэндчилгээ
Дорнод нутгийн зон олон…
Эрхэм даатгуулагч, иргэн, ажил олгогч таны энэ өдрийн амгаланг айлтган мэндчилье.
Дорнод аймгийн Нийгмийн даатгалын газар нь нийгмийн даатгалын тухай хууль тогтоомжийг хэрэгжүүлэх, ажил олгогч, хувиараа хөдөлмөр эрхлэгч, иргэд, малчдыг нийгмийн даатгалд хамруулах, сангийн орлогыг бүрдүүлэх, даатгуулагчдад нийгмийн даатгалын сангаас тэтгэвэр, тэтгэмж, төлбөр олгох, мэргэжил арга зүйн туслалцаа үзүүлэх, соён гэгээрүүлэх, мэдээлэл түгээх, хамтын ажиллагааг хөгжүүлэх замаар байгууллагын тогтвортой хөгжлийг ханган ажиллаж байна.
УИХ-аас 2023 онд Нийгмийн даатгалын багц хуулийн шинэчилсэн найруулгыг хэлэлцэн баталлаа. Нийгмийн даатгалын хууль эрх зүйн шинэчлэлийн үр дүнд 2024 оноос эхлэн даатгуулагчийн тэтгэврийн нэрийн дансыг тодорхой хэмжээгээр мөнгөжүүлэн бодит хуримтлалыг бий болгохоор ажиллаж байна.
Нийгмийн даатгалын хамрах хүрээг өргөжүүлж, даатгуулагч төлсөн шимтгэлтэйгээ уялдаатай тэтгэвэр, тэтгэмж авах шударга тогтолцоог хэрэгжүүлэх нь бидний зорилт юм.
Нийгмийн даатгалын үйлчилгээг бүрэн цахимжуулах, нийгмийн даатгалын сангийн төсвийн зарцуулалтыг ил тод болгох, мэдээллийг хүртээмжийг нэмэгдүүлэх зорилтын хүрээнд нийгмийн даатгалын мэдээллийн нэгдсэн шинэ системийг салбарын хэмжээнд нэвтрүүлээд байна.
Манай байгууллага та бүхэндээ цахим хуудсаараа нийгмийн даатгалын хууль тогтоомж, дүрэм, журам, цаг үеийн мэдээ, мэдээллийг цаг алдалгүй хүргэж, нийгмийн даатгалын үйлчилгээг орон зай харгалзахгүй түргэн шуурхай авах нөхцөлийг бүрдүүлэн, цахим үйлчилгээний хөгжүүлэлтийг тогтмол хийхийг зорин ажиллах болно.
Нийгмийн даатгал Таны амьдралын баталгаа.